Ibi yabibasabye kuri uyu wa 10 Ukwakira 2015 mu birori byo kwizihiza isabukuru y’ imyaka 50 diyosez ya Ruhengeri imaze ishinzwe byahuriranye n’ isabukuru y’ imyaka 25 umushumba wayo Nyiricyubahiro Harorimana Vincent amaze ahawe ubusaseridoti.
Mu ijambo yagejeje ku mbaga y’ abakiristu bari bateraniye muri stade Ubworoherane, Minisitiri w’Intebe yagarutse ku ruhare rukomeye Kiliziya Gatolika yagize mu guteza imbere uburezi ndetse n’ ubuvuzi ashima iyi diyosezi uruhare ikomeje kugaragaza muri gahunda zigamije iterambere ry’ igihugu.
Yagize ati:‘’Uyu munsi ni umwanya mwiza wo gushimira kiliziya Gatoulika uruhare rwayo muri gahunda zose z’ ubuzima bw’ abaturage rurigaragaza, by’ umwihariko Diyosezi ya Ruhengeri mu bikorwa by’ uburezi kuva ku mashuri y’ incuke kugera kuri Kaminuza ya INES Ruhengeri, ubuvuzi ndetse n’ amahoteli afasha mu kwakira ba mukerarugendo hamwe no muri gahunda yo kuremera abatishoboye.’’
Yakomeje avuga ko icyo igihugu kibasaba ari uko uruhare rwabo rwakomeza kwigaragaza mu kwiyubakira igihugu mu izina rya guverinoma abizeza ubufatanye burambye muri byose.
Musenyeri wa diyosezi ya Ruhengeri Harorimana Vincent nawe amaze kugaruka kuri byinshi byagezweho yibukije abakiristo ko batagomba guheranwa n’ amateka ahubwo ko bagomba kureba imbere bagaharanira kwiteza imbere akaba yashimangiye ko byinshi bitandundukanye byagezweho babikesha imikoranire myiza n’ inzego za leta.
Diyosezi ya Ruhengeri yashinzwe kuwa 20 Ukuboza mu 1960 na Nyirubutungane Papa Yohani XXIII, ari iya gatatu mu gihugu. Kuri ubu ifite paruwasi 13. Mu bikorwa bigamije iterambere ry’ abaturage iyi diyosezi ifite ibgo by’ amashuri 137, ibigo nderabuzima 9 ndetse n’ ibitaro.
TANGA IGITEKEREZO