Ni inama idasanzwe yatumiwe na Perezida w’u Burundi, Evariste Ndayishimiye uyoboye Umuryango wa Afurika y’Iburasirazuba, EAC.

Mu butumwa Ibiro bya Perezida w’u Burundi byanyujije kuri Twitter nyuma ya saa sita, buvuga ko Perezida Kagame yamaze kugera i Bujumbura.

Abandi bakuru b’Ibihugu bitabiriye iyi nama barimo uwa Tanzania, Samia Suluhu Hassan, uwa Uganda, Yoweri Kaguta Museveni, William Ruto wa Kenya na Felix Tshisekedi wa RDC.

Ubunyamabanga bwa EAC, bwatangaje kuri uyu wa Gatanu, ko iyi nama igamije gusuzumira hamwe ibijyanye n’umutekano mu Burasirazuba bwa Repubulika Iharanira Demokarasi ya Congo nka kimwe mu bihugu binyamuryango.

Ni mu gihe imirwano hagati y’ingabo za leta, FARDC n’inyeshyamba za M23 ikomeje ndetse ibikorwa biganisha ku mahoro bikaba bitaratanga umusaruro n’umubano w’u Rwanda na RDC ugakomeza kuzamba.

Guverinoma ya RDC ishinja u Rwanda gufasha uyu mutwe wa M23 ariko rukagaragaza ko nta shingiro bifite.

Hashize amezi abiri ibihugu bigize EAC byohereje ingabo mu Burasirazuba bwa RDC ariko bimwe mu bice by’Abanye-Congo byatangiye kuzamagana ku buryo byazamuye impungenge ko iki gihugu gishaka kwivana mu rugendo rurangajwe imbere n’uyu muryango rwo gushaka amahoro.

Perezida Ruto abinyujije kuri Twitter yavuze ko Igihe kigeze ngo Isi yemere ko umutungo kamere wa Repubulika Iharanira Demokarasi ya Congo ari uw’abaturage bayo kandi ko ibyo ikenera kuri uwo mutungo bigonba kubafasha kugira imibereho myiza aho kubakenesha.

Ati "Igihe kirageze ngo Umuryango Mpuzamahanga ugenzure neza uruhererekane mu nganda kandi ikita ku kuba ibizikorerwamo n’uburyo bikoreshwa bihesha agaciro umutungo kamere wa RDC kandi ntiwungukire mu ntambara no mu mage y’abantu."

#Burundi Le Président de la République du Rwanda SE @PaulKagame vient d'arriver à l'Aéroport International Melchior Ndadaye pour participer au 20ème Sommet extraordinaire des Chefs d'Etats de l'#EAC qui se tient ce samedi à #Bujumbura. pic.twitter.com/FKKbpnrDab

— Ntare Rushatsi House (@NtareHouse) February 4, 2023

#Burundi SE @KagutaMuseveni, Président de l'#Ouganda, vient d'arriver à l‘aéroport international Melchior Ndadaye pour participer au 20ème Sommet extraordinaire des Chefs d'Etats de @jumuiya qui se tient ce samedi à #Bujumbura. pic.twitter.com/Nkg9327blL

— Ntare Rushatsi House (@NtareHouse) February 4, 2023

#Burundi Le Président de la République du #Kenya SE @WilliamsRuto vient d'arriver à l'Aéroport International Melchior Ndadaye pour participer au 20ème Sommet extraordinaire des Chefs d'Etats de l'#EAC qui se tient ce samedi à #Bujumbura. pic.twitter.com/s71wYkay2s

— Ntare Rushatsi House (@NtareHouse) February 4, 2023

#Burundi La Présidente de la République Unie de Tanzanie SE @SuluhuSamia vient d’arriver à l’Aéroport International Melchior Ndadaye de Bujumbura pour participer au 20ème Sommet Extraordinaire des Chefs d’Etat de @jumuiya. pic.twitter.com/sdGkfgM6nP

— Ntare Rushatsi House (@NtareHouse) February 4, 2023

Inkuru bifitanye isano:Perezida Ndayishimiye yatumije inama idasanzwe y’abakuru b’ibihugu bya EAC

Perezida Kagame ubwo yari ageze ku Kibuga Mpuzamahanga cy'Indege cyitiriwe Melchior Ndadaye mu Burundi

Perezida Kagame yakiranywe urugwiro i Burundi

Samia Suluhu Hassan wa Tanzania na we yakiriwe ku Kibuga Mpuzamahanga cy'Indege cyitiriwe Melchior Ndadaye wigeze kuyobora u Burundi

Perezida wa Kenya, William Ruto ubwo yari aamze kururuka indege yamugejeje i Bujumbura

Perezida wa Uganda, Yoweri Kaguta Museveni wa Uganda na we yamaze kugera i Bujumbura

Tshisekedi ageze i Bujumbura yitabiriye inama y'abakuru b'ibihugu bya EAC

Tshisekedi yandika mu gitabo cy'abashyitsi ubwo yari ageze i Bujumbura