Jacques-Pierre Rolland, se wa Sonia Rolland Uwitonze wigeze kuba Nyampinga w’u Bufaransa mu mwaka w’2000, yitabye Imana kuri uyu wa Gatatu tariki 22 Mutarama 2014, aho yari atuye muri Komine ya Cluny muri Bourgogne.
Inkuru y’urupfu rw’uyu mubyeyi wa Sonia Rolland, nubwo yari umufaransa, ntibabaje abafaransa gusa n’umuryango we wa bugufi, kuko yaciye umugongo n’Abanyarwanda bose muri rusange, nk’umubyeyi w’umwe mu Banyarwandakazi bateye ishema u Rwanda n’Abanyarwanda, kandi uretse ibyo we n’umuryango we bakundaga kugaragaza gukunda u Rwanda cyane.
Mu itangazo rya diaspora nyarwanda mu Bufaransa ryashyizweho na Vanessa Rupia Constantin, uyiyobora, biragaragara ko Imihango yo kumuherekeza mu cyubahiro uyu musaza no kumuvugira amasengesho, iteganyijwe ku wa Gatandatu tariki 25 Mutarama 2014, isaa munani n’iminota 30 zo ku gicamunsi(14h30) muri Cluny mu irimbi ry’uwo mujyi.
Jacques Rolland, asize umugore, Landrada Rolland, n’abana babiri aribo; Sonia na Mickaël Rolland.
Imana imuhe iruhuko ridashira.
Dore ubutumwa nyirizina Diaspora nyarwanda yanditse ku rupfu rwa Jaques-Pierre Rolland mu rurimi rw’igifaransa:
Décès Jacky ROLLAND
Chers Compatriotes, Chers Amis,
Nous venons d’apprendre avec douleur le décès de Jacques ROLLAND appelé
Jacky par les intimes et familiers, ce mardi matin 22 janvier 2014 à Cluny.
les obsèques auront lieu samedi à 14h30 à Cluny au Cimetière de la ville,
après une messe à l’Église notre Dame de Cluny.
Notre prière l’accompagne ainsi que nos pensées vers son épouse Landrada,
et ses enfants Sonia et Mickaël.
Paix à son âme
Pour la Communauté Rwandaise de France
Vanessa RUPIA COSTENTIN
Présidente
TANGA IGITEKEREZO