Mu makuru yaranze icyumweru twabagejejeho guhera kuya 07-13 Ukwakira 2013, twibanze ku byemezo by’inama y’abaminisitiri byasohotse kuya 09 Ukwakira, n’uburyo Perezida wa Repubulika y’u Rwanda, Paul Kagame yasabye abashoramari bo mu Rwanda no muri Uganda gukomeza gufatanya bakongera imbaraga mu bikorwa byabo byo gushora imari no kubyaza umusaruro amahirwe bafite muri ibyo bihugu, kuko ishoramari rizamutse ryakomeza kuvana abatuye ibi bihugu mu bukene.twabagejejeho kandi Ibyatangajwe na Madamu Jeannette Kagame ubwo yatangizaga ibiganiro bihuje abanyamuryango ba Unity Club, bari mu Ihuriro rya 6 ku nsanganyamatsiko "Ndi Umunyarwanda". aho yavuze ko kuba Umunyarwanda atari ugutura u Rwanda gusa, ahubwo ngo kuba Umunyarwanda ni ukugira imyumvire iranga ubunyarwanda.Faustin N.