Umukuru w’igihugu akaba n’umugaba mukuru w’ikirenga, Paul Kagame, yasoje amasomo y’abasirikare bakuru 45 bari bamaze ibyumweru 46 bigira mu ishuri rya Gisirikare rya Nyakinama kuya 11 Kamena 2013. Ayo masomo yakurikiranwe n’abasirikare bafite ipeti rya Major kuzamuka. Aba banyeshuri barangije bakaba ari abize ibijyane n’urugamba rwo ku butaka, abakora mu nzego z’iperereza, abize ibijyanye n’intambara yo mu kirere kubungabunga umutekano n’ibindi.