Umunyamerika ufite inkomoka mu Bayahudi, Jon Ossoff, yatsinze David Perdue bari bahanganye, mu gihe umwirabura, akaba n’umuvugabutumwa, Rev. Raphael Warnock yatsinze mugenzi we Kelly Loeffler.

Gutorwa kw’aba basenateri bombi byatumye Ishyaka ry’Aba-Démocrates rigira ubwiganze mu Nteko, kuko n’ubwo umubare w’abasenateri b’amashyaka yombi ungana muri Sena, Umuyobozi wayo, akaba na Visi Perezida wa Amerika, Kamala Harris, ari Umu-Démocrate.

Ibi bivuze ko Biden azoroherwa no kuyobora Amerika kuko ibyemezo birimo nko gutorera amategeko n’abayobozi mu myanya runaka bizajya byihuta, bityo ibyo yemereye Abanyamerika bigashyirwa mu bikorwa mu buryo bworoshye.

Ossoff (iburyo) na Warnock (ibumoso) batsindiye guhagararira Leta ya Georgia muri Sena ya Amerika