Umubare w’abavuga ururimi rw’Igifaransa ku Isi wazamutseho 7% hagati y’umwaka wa 2010 na 2014, ariko Abanyarwanda 6 mu ijana nibo bakivuga gusa.

Icyegeranyo cyashyizwe ku mugaragaro ku wa 4 Ugushyingo 2014 n’Umuryango Mpuzamahanga w’Ibihugu bivuga ururimi rw’Igifaransa (Organisation Internationale de la Francophonie (OIF) kigaragaza ko abavuga Igifaransa ari miliyoni 274 kandi kimwe cya kabiri cyabo ari Abanyafurika.

Imibare igaragaza ko abanyafurika bo munsi y’ubutayu bwa Sahara abavuga Igifaransa ari 54,7%, umugabane w’Uburayi ukagira 36,4% Amerika na n’ibirwa bya Caraïbes 7,6% , Uburasirazuba bwo hagati na Oceania bakaba 0,3%.

Inkuru dukesha jeune Afrique ivuga ko iyi mibare igaragaza abavuga Igifaransa nk’ururimi rwabo bwite hamwe n’abakivuga nk’ururimi rw’amahanga bari hirya no hino ku Isi.

Repuburika Iharanira Demukarasi ya Congo iza ku isonga muri Afurika mu kugira umubare munini w’abaturage bavuga ururimi rw’igifaransa, muri miliyoni 33 z’abaturage b’icyo gihugu abagera kuri 57% bavuga Igifaransa.

Amasaha yo kwiga Igifaransa yaragabanyijwe cyane

Rwanda rufite abaturage 6% bakivuga , mu gihe u Burundi bufite 8% Sénégal ikagira 11%.

Umubare w’Abanyarwanda bavuga Igifaransa ukomeje kumanuka hakiyongera abavuga Icyongereza.

Ibi ahanini biterwa no kuba Leta yarahinduye integanyanyigisho mu Cyongereza. Kandi n’igifaransa ntigikoreshwe cyane muri Gahunda za Leta.

[email protected]