Ingabo za Amerika zasobanuye ko abo basirikare baguye mu gico batezwe mu gace ka Palmyra, batatu bakahasiga ubuzima ndetse abandi batatu bagakomereka.

Minisitiri w’Ingabo muri Amerika, Pete Hegseth, yavuze ko uwishe ingabo za Amerika nta mahoro yabona.

Ati “Iyo wishe Umunyamerika aho waba uri hose ku Isi umara ubuzima bwawe bwose wihishe, ufite ubwoba kuko uziko Amerika izaguhiga, ikakubona kandi ikakwica nabi.”

Ingabo za Amerika ziri muri Syria kuva mu 2014, ku mpamvu zo kurandura umutwe w’iterabwoba wa Islamic State aho ifite abasirikare bagera ku 2000 muri iki gihugu.

Igisirikare cya Amerika cyatangaje ko abasirikare bacyo babiri n'umusemuzi umwe bishwe n'umutwe wa ISIS