Afghanistan: 20 baguye mu gitero cy’Abatalibani

00:00:00 IGIHE NETWORK

KINYARWANDA

ENGLISH

FRANCAIS

Afghanistan: 20 baguye mu gitero cy’Abatalibani

Yanditswe na

Noel T

Kuya 13 December 2014 saa 06:43

Yasuwe :

Yavuzweho:

Mu gihe nyinshi mu ngabo z’amahanga zikomeje gusubira mu bihugu byazo, abantu 20 barimo umukozi w’ Urukiko rw’Ikirenga n’abasirikare biciwe muri Afghanistan n’intagondwa z’abatalibani.
Inkuru ya BBC, ivuga ko iki gitero cyagabwe ku bakozi bategura ibisasu i Kabul gihitana 12 muribo, naho ikindi gisasu gihitana barindwi barimo umukozi w’urukiko n’abasirikare bari bari muri bisi.
Iki gitero cyagabwe ahahoze hakorera ingabo z’Abongereza muri iki gihugu n’ibindi biba muri iyi minsi, biri (…)

Mu gihe nyinshi mu ngabo z’amahanga zikomeje gusubira mu bihugu byazo, abantu 20 barimo umukozi w’ Urukiko rw’Ikirenga n’abasirikare biciwe muri Afghanistan n’intagondwa z’abatalibani.

Inkuru ya BBC, ivuga ko iki gitero cyagabwe ku bakozi bategura ibisasu i Kabul gihitana 12 muribo, naho ikindi gisasu gihitana barindwi barimo umukozi w’urukiko n’abasirikare bari bari muri bisi.

Iki gitero cyagabwe ahahoze hakorera ingabo z’Abongereza muri iki gihugu n’ibindi biba muri iyi minsi, biri kuba mu gihe ingabo z’amahanga ziri kugenda ziva muri iki gihugu.

Ibitero byibasira abategura ibisasu, byo si ubwa mbere bibaye kuko muri Mata, nabwo Abatalibani bishe abandi bagera kuri 12 mu ntara ya Logar.

Kuva ingabo ziyobowe n’abanyamerika zagera muri Afghanistan mu 2001, abasirikare n’abapolisi bagera ku 5.000 n’abasivile 1.500 bamaze kugwa mu bitero by’Abatalibani.

Mu mwaka utaha, iki gihugu kizaba gisigayemo ingabo z’amahanga zitarenze 13,000 mu bihumbi 130,000 byahahoze, kandi ibitero by’Abatalibani bikomeje kwiyongera.

Ibi bitero bivugwa ko byihimuraga kuri polisi n’abasirikare ba muri Afghanistan bari bamaze iminsi ibiri bishe abarwanyi b’Abatalibani bagera kuri 50.