Minisitiri w’Ubutabera muri Algeria yatangaje ko bamaze kumenya abarwanyi b’umutwe w’iterabwoba wa Califat baciye umutwe Herve Gourdel ku wa 21 Nzeri mu misozi ya Djudjura muri Algerie.

Ikinyamakuru International Business Times kivuga ko n’ubwo Algeria yirinze gutangaza amazina y’abamwishe, yamaze gushyiraho impapuro zo kubata muri yombi n’itsinda ryo kugengura neza ahantu amashusho yerekanye ko ubwo bwicanyi bwabereye .

Gourdel yashimuswe n’umutwe w’iterabwoba wa Califat ari mu bukerarugendo mu Majyepfo y’Iburasirazuba bwa Algeria ku wa 14 Nzeri.

Uyu mutwe wahise uha Ubufaransa amasaha 24 yo kuba bwaretse kugaba ibitero by’indege kuri Leta ya Kiyisiramu muri Irak itabikora Gourdel agacibwa umutwe.

Umutwe w’iterabwoba wa Califat waciye umutwe Gourdel nyuma y’aho Leta ya Kiyisiramu nayo iciriye umutwe abanyamakuru babiri b’Abanyamerika Steven Sotloff na James Foley.

Califat ivuga ko ishyigikiye byimazeyo leta ya Kiyisiramu, kandi ko izayifasha mu ntambara na Leta Zunze Ubumwe za Amerika n’abambari bayo.

[email protected]