CBS News ivuga ko ayo mafoto yayahawe n’abasirikare ba Amerika basabye kudatangazwa amazina kubera amabwiriza akakaye agenga itangazamakuru mu gisirikare. Umwe muri bo yavuze ko ibyangiritse ari byinshi kurusha uko byagaragarijwe abaturage ba Amerika.

Ku birindiro bya Prince Sultan Air Force muri Arabie Saoudite, imwe mu mafoto igaragaza indege ya Boeing E-3 Sentry yarashwe mu gice cy’inyuma, umurizo wayo ugatandukana n’ibindi bice by’indege. Iyi ndege isanzwe ikoreshwa mu gukusanya amakuru y’ubutasi hifashishijwe radar.

Andi mafoto yafatiwe kuri mu kigo cya Buehring muri Kuwait agaragaza inyubako n’amacumbi y’abasirikare byangiritse bikomeye, hamwe n’imodoka zatwitswe n’ibitero. Buehring ni bimwe mu birindiro Amerika ikoresha mu kwakira no kohereza abasirikare, imodoka za gisirikare n’indege mu karere.

Raporo y’Umugenzuzi Mukuru wa Minisiteri y’Ingabo ya Amerika igaragaza ko ibikoresho bya gisirikare byangiritse bifite agaciro kagera kuri miliyari 3,7$, birimo indege hafi 60. Iran yagabye ibitero ku birindiro bya Amerika muri Kuwait, Bahrain, Qatar, Leta Zunze Ubumwe z’Abarabu, Arabie Saoudite, Iraq, Oman na Jordan.