Uyu muhango wabaye tariki ya 17 Nzeri 2026, witabiriwe n’abasirikare bagenzi be, abo mu muryango we, inshuti, bamushimira imyaka amaze akorera Amerika.

Lt Col Siibo yashimiwe ibikorwa bye n’umusanzu we mu gisirikare cya Amerika, ahabwa ishimwe, imidali n’ibyemezo bigaragaza urugendo rwe mu mwuga w’igisirikare.

Mu byo yahawe harimo icyemezo cy’ikiruhuko cy’izabukuru cyashyizweho umukono na Perezida Donald Trump hashingiwe ku bubasha afite nk’Umugaba w’Ikirenga w’Ingabo za Amerika.

Amafoto y’uyu muhango agaragaza Lt Col Siibo yambaye imyambaro y’ibirori y’ingabo za Amerika, afite n’imidali yahawe akiri mu gisirikare.

Inyandiko zo muri Leta ya Amerika zigaragaza ko Lt Col Siibo yakoreye muri Minisiteri y’Ingabo, aho yakoze imirimo ijyanye n’ubuyobozi bw’igisirikare kirwanira mu mazi.

Ku Banyarwanda baba muri Amerika, urugendo rwa Lt Col Siibo rugaragaza uruhare rukomeye bamwe mu Banyamerika bafite inkomoko mu Rwanda bagira mu nzego z’i Washington D.C.

Abasirikare n'abo mu muryango we bishimiye urugendo rw'imyaka 26 amaze mu gisirikare cya Amerika

Lt Col James Siibo yakoze mu nzego zitandukanye zirimo Minisiteri y'Ingabo