Ibi bigiye gukorwa mu rwego guhangana n'icyorezo cya Covid-19 gikomeje koreka isi.
Sosiyete zisanzwe zikora inkingo muri Leta Zunze Ubumwe za Amerika ni Moderna, BionTech, Pfizer na Johnson&Johnson, kuko ari zo zabashije kuvumbura urukingo rushobora guhangana na Covid-19.
Uretse abo izo sosiyete zahaye uburenganzira ku masezerano, nta wundi wari wemerewe gukora izo nkingo kuko zirinzwe n’uburenganzira butangwa ku mutungo mu by’ubwenge.
Mu rwego rwo kongera umubare w’inkingo zikorwa, umuyobozi ushinzwe ubucuruzi muri White House, Katherine Tai, yasohoye itangazo rivuga ko Guverinoma ya Joe Biden ishyigikiye ko icyarindaga izi nkingo mu byerekeye umutungo bwite by’ubwenge cyavaho maze izindi sosiyete zigahabwa uburenganzira bwo kuzikora.
Iryo tangazo ryagiraga riti “Iki ni icyorezo gihangayikishije isi. Kubera ingaruka zikomeye Covid-19 iri guteza, birakenewe ko hafatwa izindi ingamba zikomeye. Guverinoma yemera cyane ibyo kurinda umutungo bwite mu by’ubwenge, ariko kugira ngo turandure burundu iki cyorezo, ishyigikiye ko ibi byavaho ku nkingo za Covid-19.”
“Mu gihe dukomeje gahunda yo gukingira abaturage, guverinoma izakomeza gushyira imbaraga nyinshi mu gukorana n’abikorera ndetse n’abafatanyabikorwa bose bashoboka kugira ngo twongere gahunda yo gukora inkingo. Tuzakomeza gushyira ingufu mu kongera ibikoresho byifashishwa mu gukora izo nkingo.”
Iki cyemezo cyakiriwe neza mu bakora mu nzego z’ubuzima bose, harimo n’umuyobozi w’ishami rishinzwe ubuzima mu Muryango w’Abibumbye, OMS, Dr. Tedros Adhanom Ghebreyesus, aho yavuze ko iki cyemezo cyafashwe na Amerika ari ingirikamaro mu kurwanya Covid-19.
Yongeyeho ati “Uru ni urugero rwiza ubuyobozi bwa Amerika butanze mu guhangana n’icyorezo cya Covid-19.”
This is a monumental moment in the fight against #COVID19. The commitment by @POTUS Joe Biden & @USTradeRep@AmbassadorTai to support the waiver of IP protections on vaccines is a powerful example of 🇺🇸 leadership to address global health challenges. pic.twitter.com/3iBt3jfdEr
— Tedros Adhanom Ghebreyesus (@DrTedros) May 5, 2021
The @WhiteHouse support for the temporary waiving IP on #COVID19 vaccines reflects the wisdom and moral leadership of 🇺🇸 to support #VaccinEquity and work to end this pandemic. #InThisTogether
— Tedros Adhanom Ghebreyesus (@DrTedros) May 5, 2021
Uyu mwanzuro wa Biden uje mu gihe icyorezo cya Coronavirus gikomeje gukaza umurego nk’uko byari bimeze mu ntangiriro zacyo mu bihugu bimwe na bimwe bigihangana no gutanga inkingo mu baturage harimo Amerika, Canada, u Bwongereza n’u Buhinde.
Ibitekerezo 0