Ingabo za Amerika zari muri Ukraine gufatanya n’Ingabo z’icyo gihugu mu myitozo ya gisirikare, ariko amakuru akavuga ko zategetse kuva muri icyo gihugu mu gihe cya vuba gishoboka, zikajya mu bindi bice byo mu Burayi.

Amakuru avuga ko iki ari ikimenyetso cya nyuma mbere y’uko u Burusiya bwigarurira Ukraine, kuko bivugwa ko Amerika yanze ko icyo gitero kiba mu gihe igifite Ingabo muri Ukraine, kuko zishobora kwirwanaho bikaba byatera intambara hagati y’ibihugu byombi, ishobora kuvamo Intambara ya Gatatu y’Isi.

Amerika iherutse kuburira abaturage bayo bose kuva muri Ukraine mu gihe gito gishoboka, mu gihe abakozi ba Ambasaderi yayo bagabanyijwe hagasigara bake bashoboka.

Hagati aho, Perezida Vladimir Putin yavuganye na Emmanuel Macron w’u Bufaransa cyamaze iminota 90, abo impande zombi zagarutse ku bibazo birimo ibyifuzo by’u Burusiya byasuzuguwe, bikaba bishobora gushoza intambara.

Ingabo za Amerika zatangiye kuva muri Ukraine