Ibi bibaye nyuma y’uko Umunyamabanga wa Amerika ushinzwe ubucuruzi, Gina Raimondo, ubwo yari i Moscow, mu kwezi gushize yatangaje ko Kaspersky ihagaritswe gukoreshwa muri Amerika.

Aha kandi yibukije abantu bose bayikoresha kwitegura kuyihagarika kuko ishobora guteza ibibazo birimo kwifashishwa mu guhungabanya umutekano w’igihugu. Yavuze ko itazongera kugurishwa cyangwa ngo ivugururwe ku bayikoresha.

Kaspersky Lab, yatangarije BBC ko yamaze kuva muri Amerika nyuma y’uko ubuyobozi bwa Biden, buhagaritse kugurisha ndetse no gukomeza gukwirakwiza iyi ‘antivirus’.

Mu itangazo iki kigo cyashyize hanze, cyavuze ko “Ni icyemezo kibabaje kandi kigoye kubihagarika, kubera ko amahirwe y’ubucuruzi muri icyo gihugu atagishoboka.”

Ku Isi Kaspersky ikorera mu bihugu 31, ikagira abakiliya miliyoni 400 ndetse n’abafitanye na yo imikoranire ibihumbi 270,000 mu bihugu 200.