Muri icyo gihugu cyanamaze gufata ubuyobozi bw’ inama y’ Umuryango w’ abibumbye ishinzwe uburenganzira bwa muntu, kwigaragambya wamagana ubutegetsi ni icyaha gishobora kugucisha umutwe.

France 24 ivuga ko Ali Mohammed al-Nimr yigaga mu mashuli yisumbuye ubwo yafashwe afite imyaka 17 muri 2012, ashinjwa kwitabira imyigaragambyo ahitwa i Qatif, ni mu burasirazuba bw’ ubwami bw’ aba Wahhabite, hari mu gihe cy’ inkundura yahiritse ubutegetsi bw’ibihugu byinshi mu barabu.

Impuguke nyinshi z’ Umuryango w’ abibumbye ku burenganzira bwa muntu zari zasabye Arabia Saudite kutamuha icyo gihano.

Umwishywa wa Ali Mohammed utavuga rumwe n’ ubutegetsi, mu 2014 yakatiwe urwo gupfa ashinjwa gusuzugura ubutegetsi no gutunga intwaro, anashinjwa n’ ubuyobozi kugaba igitero ku bapolisi