Ntabwo byari biherutse ko icyo gihugu kinyonga umubare munini w’abantu icyarimwe. Reuters yatangaje ko imibare iheruka mu 2021 hanyonzwe abantu 67 naho mu 2020 hanyongwa 27.

Minisiteri y’Umutekano muri Arabie Saoudite yatangaje ko abo bantu bahamwe n’ibyaha by’ubuhezanguni no kwinjira mu mitwe y’iterabwoba.

Mu byaha kandi bamwe bashinjwa harimo kwica abana, abagabo n’abagore b’inzirakarengane.

Mu banyonzwe harimo Abanya-Arabie Saoudite 37 bafashwe bari mu mugambi wo guhitana umwe mu bayobozi bashinzwe umutekano n’abapolisi.

Uburyo bwo guhanisha igihano cy’urupfu muri Arabie Saoudite bwagiye bunengwa cyane n’abaharanira uburenganzira bwa muntu.

Kunyonga abantu benshi umunsi umwe byaherukaga muri Arabie Saoudite mu 1980 ubwo 63 bicwaga. Mu mwaka wa 2016 nabwo hishwe 47 umuns umwe.