Ni imbabazi yahawe n’agatsiko ka gisirikare kayoboye Myanmar ari nako kamuvanye ku butegetsi mu 2021.

Mu bandi bababariwe harimo Win Myint wahoze ari Perezida, na we wakuriweho ibyaha bibiri ku byo yahamijwe.

Suu Kyi w’imyaka 78 afunzwe n’igisirikare nyuma yo kumuhirika mu 2021. Ni ihirikwa ry’ubutegetsi ryakurikiwe n’intambara mu gihugu, ihitana ubuzima bw’ibihumbi by’abaturage.

Uyu mugore ashinjwa ibyaha birimo ruswa, amanyanga n’ibindi byakozwe mu myaka hafi itandatu yamaze ayoboye.

Agatsiko ka gisirikare kamuhiritse kakunze kwamaganwa n’amahanga, ndetse gasabwa gusubizaho ubuyobozi bwa gisivile. Byari biteganyijwe ko muri uku kwezi kwa Kanama haba amatora ariko yarasubitswe.