Ku wa 1 Nyakanga 2025, nibwo Azerbaïdjan yashyizeho itegeko ribuza ko abantu bafitanye isano rya hafi gushakana. Abo barimo nk’ababyara n’abandi bafitanye isano rya hafi.

Impamvu iryo tegeko ryashyizweho ni uko uyu muco wari ukomeje gukura, cyane ko ari ibintu bimaze igihe kinini bikorwa muri icyo gihugu.

Ubuyobozi bwa Azerbaïdjan bwavuze ko iri tegeko rigamije gukumira ibibazo biterwa no gushakana kw’abafitanye birimo guhererekanya indwara.

Nyuma y’uko iryo tegeko rishyizwe mu bikorwa, imibare y’abashakana muri iki gihugu yahise igabanyuka cyane kubera ko abakoze ubukwe muri Kamena 2025 bari 5,032 ariko muri Nyakanga 2025 bahita bagera 2,694.

Impuguke mu buzima zari zimaze igihe zirwanya ko abantu bafitanye isano bakorana ubukwe kubera ko akenshi biviramo abo bazabyara kugira ibibazo by’ubuzima birimo kurwara indwara karande cyangwa indwara z’uruhererekane rw’imiryango.

Impungenge ku mubare w'abashakana ukomeje kugabanuka muri Azerbaïdjan