Nk’uko ikinyamakuru China Daily cyabitangaje, ikigo cyo muri Beijing gishinzwe gukurikirana imihindagurikire y’ikirere, cyatangaje ko ubukonje bwo muri uyu mujyi bwageze mu gipimo cya dogere celsius ziri munsi ya zeru ku kigero cya 10 (-10).

Iki kigo gisobanura ko Beijing yamaze amasaha 300 ifite ubukonje buri munsi y’igipimo cya 0, kandi ngo bwatumye ibikorwa birimo amasomo bihagarara, serivisi zo gutwara abantu n’ibintu zigenda nabi.

Ni ibihe byafashwe nk’ibitangaza kuko Beijing yari imaze amezi hafi atandatu na bwo ihuye n’ubushyuhe bukabije. Muri Kamena 2023 bwageze ku gipimo cya dogere celsius 40.

Ubu bukonje bwibasiye n’intara nyinshi zo mu Bushinwa, n’ubwo butageze kuri iki gipimo. No mu bihugu by’abaturanyi nk’u Buyapani na Koreya y’Epfo bwari bukabije.

Beijing yibasiwe n'ubukonje budasanzwe