Dilma Rousseff wayoboraga Brazil yongeye gutorerwa indi manda atsinze mu matora senateri Aecio Neves bari bahanganye ku majwi 51%.

RFI ivuga ko Dilma Rousseff yatsinze bimugoye kuko yarushije uwo bari bahanganye miliyoni 3 z’amajwi mu gihugu gifite abaturage miliyoni 143 bemerewe gutora.

Akimara kumenya ko yatsinze, Roussef yasabye abaturage ba Brazil kunga ubumwe ndetse abizeza ko azaharanira kurwanya ruswa.

Dilma Rousseff wavutse ku ya 14 Ukuboza 1947 yatorewe kuyobora Bresil mu 2011 aba umugore wa mbere uyoboye icyo gihugu.