Kugira ngo umukandida atsindire umwanya w’Umukuru w’Igihugu muri Brésil agomba kuba ari hejuru ya 50% by’abatoye bose.

Amatora yabaye kuri iki Cyumweru tariki 2 Ukwakira 2022 agaragaza ko Lula ashobora gutsinda Bolsonaro bidasabye igice cya kabiri, ibyaherukaga kuba mu 1998 ubwo Perezida Fernando Henrique Cardoso yongeraga gutorwa.

Lula yavuze ko yiteguye gutsinda amatora ndetse ko “abaturage bakwiriye ibyishimo n’uburenganzira bamaze igihe barabuze.”

Ku rundi ruhande ariko byaramuka bitagenze gutyo Bolsonaro akaba ariwe utsinda, abasesenguzi bavuga ko bishobora kuzamura umwuka mubi ushobora kuvamo amakimbirane ashobora guhitana abantu.

Lula yageze ku butegetsi bwa mbere mu 1989, mu 2018 yaje gufungwa nyuma yo guhamwa n’ibyaha bya ruswa afungurwa mu 2019.

Mu gihe habura utsinda amatora, babiri bari imbere bazongera guhatana tariki 30 Ukwakira uyu mwaka.

Abo ku ruhande rwa Bolsonaro nabo bizeye intsinzi n’ubwo bakemangwa uburyo bwo gutora hifashishijwe ikoranabuhanga.

Kubera ikibazo cy’ubukene cyugarije iki gihugu abaturage benshi cyane cyane abagizweho ingaruka n’iki kibazo bari ku ruhande rwa Lula kubera ko bashinja Bolsonaro ucyuye igihe kuba atarabyitayeho.

Bavuga ko Lula ubwo yari ku butegetsi yigeze kubakura mu bukene binyuze muri gahunda yari yaratangije zari zigamije kuvana abaturage bose mu bukene.

Bolsonaro ahabwa amahirwe make nyuma y'ibibazo by'ubukungu igihugu cye kimazemo iminsi

Lula ahabwa amahirwe yo gutsinda aya matora