Maria Montserrat Alvarado yari asanzwe ari Umuyobozi Mukuru n’ushinzwe Ibikorwa mu Kinyamakuru gikorera i Vatican cya EWTN News (⁠Eternal Word Television Network), kuva mu 2023.

Ni umwanya yasimbuyemo Paolo Ruffini wari usanzwe ari Umuyobozi w’Itumanaho i Vatican kuva mu 2018. Uyu mugabo ari mu kiruhuko cy’izabukuru.

Maria Montserrat Alvarado ukomoka muri Mexique azatangira inshingano nshya mu Ugushyingo 2026. Azaba ashinzwe gucunga ibitangazamakuru bya Vatican n’ibiro byayo bishinzwe itangazamakuru.

EWTN News Maria Montserrat Alvarado yayoboraga yashinzwe n’Umubikira witwa Angelica mu 1981, iza gukura, ivamo ibigo bitangaza amakuru mu buryo butandukanye nka radio, ikinyamakuru cyandika, ikigo gicapa ibitabo n’ibindi.

Maria Montserrat Alvarado ni we mugore wa mbere ugiye kuyobora Ishami rishinzwe Itumanaho i Vatican