OMS kandi yatangaje ko kugeza ubu abantu 435 666 aribo bamaze gupfa, naho 4 129 121 nibo bamaze gukira.

Kuri iki cyumweru imibare y’abishwe na coronavirus bagabanutse baba 331 , naho abanduye bo ni 20 004 .

Muri Brésil ho kuri iki cyumweru hapfuye abantu 598 naho 17 086 barandura.

Leta Zunze Ubumwe za Amerika nizo zikomeje kuza imbere mu kugira umubare w’abanduye n’abamaze gupfa benshi, abanduye ni 2 162 228, abamaze gupfa bo ni 117 858. Brésil iza ku mwanya wa Kabiri aho ifite abanduye 867 882 naho abamaze gupfa ni 43 389, u Burusiya buza ku mwanya wa Gatatu kuko bufite abanduye 528 964, hamaze gupfa 6 948.

U Buhinde buri ku mwanya wa kane kuko hamaze kwandura 332 783, hamaze gupfa 9 523. Mu Bwongereza handuye 295 889 hamaze gupfa 41 698.

Ku mugabane wa Afurika hamaze kugaragara abantu 245 762 banduye Coronavirus, abamaze gupfa ni 6 554 naho abakize ni 112 985.

Afurika y’Epfo iri imbere mu kugira abafite ubwandu benshi kuko bageze ku 70 038, abamaze gupfa ni 1 480, ikurikirwa na Misiri ubu ifite abamaze gupfa benshi kuri uyu mugabane kuko bageze kuri 1 575 naho abamaze kwandura ni 44 598.

Muri Afurika y’Iburasirazuba, Kenya ni cyo gihugu cyugarijwe cyane kuko hamaze kwandura abantu 3 594 , hapfuye 103.

U Rwanda rufite abanduye 582, hamaze gupfa abantu babiri ariko hamaze gukira abandi 332, muri Uganda hari abanduye 696, Tanzania ifite abanduye 509 hamaze gupfa 21, mu Burundi handuye abantu 85 hapfa umwe naho muri Sudan y’Epfo hamaze kwandura abantu 1 693, hamaze gupfa 27.

Mu bihugu bihana imbibi n’u Rwanda, Repubulika Iharanira Demokarasi ya Congo niyo yibasiwe cyane, kuko ubu ifite abanduye 4 778 barimo 107 bamaze gupfa.

Abanduye Coronavirus ku Isi bagiye kugera kuri miliyoni umunani