Ibi byatumye abamaze kwandura iki cyorezo ku Isi bagera kuri 3 402 034, abamaze gupfa ni 239 622 mu gihe abamaze gukira ari 1 083 908.
OMS igaragaza ko kuri uyu wa Gatanu hapfuye abantu 5 480 mu gihe abakize bari 40 860.
Kuri uyu wa Gatanu tariki 1 Gicurasi 2020, Leta Zunze Ubumwe za Amerika zongeye gupfusha abantu bagera ku 1897 umunsi umwe.
Leta Zunze Ubumwe za Amerika kandi ni zo zikomeje kuza imbere mu bihugu bimaze kugira umubare w’abanduye n’abishwe na Coronavirus ku Isi kuko abanduye ari 1 131 492, abamaze gupfa ni 65 776, Espagne iraza ku mwanya wa kabiri kuko handuye abantu 242 988 hamaze gupfa 24 824, mu Butaliyani handuye 207 428 hamaze gupfa 28 236, mu Bwongereza handuye 177 454 hamaze gupfa 27 510.
Mu Bufaransa handuye 167 346 hamaze gupfa 24 594, naho mu Budage handuye 164 077 hamaze gupfa 6 736.
Ku mugabane wa Afurika wose hamaze kugaragara abantu 41 537 banduye Coronavirus, abamaze gupfa ni abantu 1 696 naho abakize ni 13 926.
Afurika y’Epfo yongeye kuza imbere mu kugira abafite ubwandu bwinshi kuko ari 5 951, abamaze gupfa ni 116, ikurikirwa na Misiri ifite abanduye 5 895 naho abapfuye ni 406.
Algeria nicyo gihugu gifite abamaze gupfa benshi kuri uyu mugabane bangana na 453 mu gihe abanduye ari 4 154.
Muri Afurika y’Iburasirazuba, igihugu kiza imbere mu bwandu bwinshi ubu ni Tanzania kuko hamaze kwandura 480 hapfuye 16, Kenya iraza ku mwanya wa kabiri handuye 411 hapfuye 21, u Rwanda rufite abanduye 249 abamaze gukira ni 109, muri Uganda ho hamaze kwandura 85, mu Burundi handuye abantu 11 hapfa umwe naho muri Sudani y’Epfo hamaze kwandura abantu 45.
TANGA IGITEKEREZO