OMS igaragaza ko muri iyo minsi hapfuye abantu barenga ibihumbi 39. Ibi byatumye abamaze gupfa kugeza uyu munsi baba 406 222.

Abamaze kwandura muri Leta Zunze Ubumwe za Amerika bageze kuri 2 007 449, naho abamaze gupfa ni 112 469.

Leta Zunze Ubumwe za Amerika kandi nizo zikomeje kuza imbere mu kugira umubare w’abanduye n’abamaze gupfa benshi, Brésil niyo iza ku mwanya wa Kabiri aho ifite abanduye 691 962 naho abamaze gupfa ni 37 312, u Burusiya buza ku mwanya wa Gatatu kuko bufite abanduye 467 673, hamaze gupfa 5 859, muri Espagne handuye 288 630 hamaze gupfa 27 136, naho mu Bwongereza handuye 286 194, hamaze gupfa 40 542.

Ku mugabane wa Afurika hamaze kugaragara abantu 192 118 banduye Coronavirus, abamaze gupfa ni 5 215 naho abakize ni 84 919.

Afurika y’Epfo iri imbere mu kugira abafite ubwandu benshi kuko ari 48 285, abamaze gupfa ni 998, ikurikirwa na Misiri ubu ifite abamaze gupfa benshi kuri uyu mugabane kuko bageze kuri 1 237 naho abamaze kwandura ni 34 079.

Muri Afurika y’Iburasirazuba, Kenya ni cyo gihugu cyugarijwe cyane kuko hamaze kwandura abantu 2 767, hapfuye 84.

U Rwanda rufite abanduye 439, hamaze gupfa abantu babiri ariko hamaze gukira abandi 290, muri Uganda hari abanduye 616, Tanzania ifite abanduye 509 hamaze gupfa 21, mu Burundi handuye abantu 83 hapfa umwe naho muri Sudani y’Epfo hamaze kwandura abantu 1 317, hamaze gupfa 14.

Mu bihugu bihana imbibi n’u Rwanda, Repubulika Iharanira Demokarasi ya Congo niyo yibasiwe cyane, kuko ubu ifite abanduye 4 016 barimo 85 bamaze gupfa.

Umubare w'abandura Coronavirus ukomeje kwiyongera cyane