Umuvuduko w’uko kwihinduranya ushobora kuza udakabije ariko virusi nshya ikagira ubukana ugereranyije n’iyari isanzwe kandi ikangiza byinshi.

Abashakashatsi bavuga ko “Tugerageje kuvuga ku bintu bishoboka, Coronavirus ishobora kwihinduranya ikavamo ubwoko bufite imbaraga kurushaho.”

Ku wa 5 Ukwakira, Ishami ry’Umuryango w’Abibumbye ryita ku buzima ryatangaje ko Covid-19 izakomeza kugenda yihinduranya.

Covid-19 ni indwara iterwa na virusi yo mu bwoko bwa SARS-COV-2 yandura. Mu bantu bayirwara harimo abatagaragaza ibimenyetso bihambaye kandi bagakira nta bundi buvuzi bw’umwihariko bahawe. Icyakora hari abandi bashobora kuremba ndetse bigasaba ko bakurikiranirwa hafi.

Kugeza ubu abarenga miliyoni 621 mu batuye Isi bamaze kuyandura ndetse yishe miliyoni 6,5.