Ibi yabitangaje nyuma y’aho Perezida wa Leta Zunze Ubumwe za Amerika, Donald Trump, atangaje ko igihugu cye cyagabye ibitero bikomeye muri Iran ahantu hatatu (Natanz, Esfahan na Fordow) hakorerwa intwaro za nucléaire.

Ibi bitero byagabwe mu rukerera rwo kuri iki cyumweru tariki 22 Kamena 2025.

Nyuma y’ibi bitero, Richard Grenell, yahise anyuza ubutumwa ku rubuga rwa X, asaba Elon Musk ko yatanga internet ya Starlink ku buntu muri Iran kugira ngo inshuti ze ziri muri iki gihugu zibashe kubonera amakuru ku gihe.

Yagize ati “Washyiraho Internet ya Starlink ku buntu muri Iran mu gihe cy’ibyumweru bike biri imbere, kubera ko hari inshuti zanjye ziri muri Iran kandi ntabwo ziri kubasha kubona amakuru.”

Yakomeje avuga ko bibaye ngombwa nawe azagira icyo afasha kugira ngo icyo gikorwa gikunde.

Ati “Bibaye ngombwa nanjye nashyiramo ubufasha bwanjye kandi ndatekereza ko n’abandi ariko babigenza rwose.”

Ku rundi ruhande Musk ntacyo aragira icyo atangaza ku busabe bwa Grennell.

Musk yasabwe gutanga internet y'ubuntu ku nshuti za Amerika ziri muri Iran

Richard Grenell yasabye Elon Musk kuba yashyiraho internet ya Starlink muri Iran