Elon Musk abinyujije kuri Twitter, yashyizeho uburyo bwo gutora ngo abamukurikira bagaragaze niba bashyigikiye igitekerezo cy’uburyo Ukraine n’u Burusiya byakemura amakimbirane bimazemo iminsi.

Yavuze ko we yumva abaturage ba Ukraine bakwemererwa gutora bagaragaza niba bashyigikiye ko u Burusiya bugumana uduce bumaze kwiyomekaho twa Ukraine, intambara igahagarara.

Musk yasabye abamukurikira gutora ariko agaragaza ko we abona nubundi Ukraine idashobora gutsinda, bityo ko aho kugira ngo hapfe abantu benshi byakorwa hakiri kare, intambara igahagarara.

Mu batoye bagaragaza aho bahagaze, 36.8 % nibo bemeranyije na Musk mu gihe 63.2 % berekanye ko batabyumva kimwe na we.

Iryo tora ryo kuri Twitter n’ibitekerezo yashyizeho, byateje uburakari benshi mu bayobozi by’umwihariko abo muri Ukraine.

Perezida Zelensky na we yahise anyuza kuri Twitter ubundi buryo bwo gutora, abaza abamukurikira ati “Elon Musk mushyigikiye ni uwuhe? Ni ushyigikiye Ukraine cyangwa ushyigikiye u Burusiya?”.

Ibyavuye mu matora ya Zelensky byerekana ko 85.7 % bashyigikiye Elon Musk wakabaye ashyigikiye Ukraine mu gihe 14.3 % batoye Musk wakabaye ashyigikiye u Burusiya.

Russia is doing partial mobilization. They go to full war mobilization if Crimea is at risk. Death on both sides will be devastating.

Russia has >3 times population of Ukraine, so victory for Ukraine is unlikely in total war. If you care about the people of Ukraine, seek peace.

— Elon Musk (@elonmusk) October 3, 2022

Ukraine-Russia Peace:

- Redo elections of annexed regions under UN supervision. Russia leaves if that is will of the people.

- Crimea formally part of Russia, as it has been since 1783 (until Khrushchev’s mistake).

- Water supply to Crimea assured.

- Ukraine remains neutral.

— Elon Musk (@elonmusk) October 3, 2022

Which @elonmusk do you like more?

— Володимир Зеленський (@ZelenskyyUa) October 3, 2022

Abandi bayobozi bakuru muri Ukraine bababajwe n’ubwo butumwa bwa Musk, aho nka Andrij Melnyk uherutse kwirukanwa nka Ambasaderi wa Ukraine mu Budage yagize ati “Kavune umuheto nicyo gisubizo naguha Elon Musk.”

Nubwo byagenze gutyo, hari abandi bagaragaje ko Ukraine ikabya cyane mu gukomeza kugendera mu myumvire y’abanyaburayi yo guhangana aho kureba icyakemura amakimbirane mu buryo burambye.

Perezida Zelensky aherutse kuvuga ko adashobora kujya mu biganiro n’u Burusiya mu gihe buzaba bukiyobowe na Perezida Vladimir Putin.

Musk (iburyo) yateranye amagambo na Perezida Zelensky (ibumoso)