Kuri uyu wa Gatandatu Polisi yatangaje ko urwo rumugi rwatahuwe rupima toni 32, rukaba rwabonetse rupakiwe mu bintu bidandukanye.

Urwo rumogi rwabonetse nyuma yo gusaka mu mirima itandukanye hirya no hino muri Espagne mu gikorwa cyiswe ‘Gardens’.

Polisi yatangaje ko hamaze gutabwa muri yombi abagabo icyenda n’abagore 11 bari hagati y’imyaka 20 na 59, bakekwaho uruhare mu gucuruza no guhinga urwo rumogi.

Ako gatsiko k’abacuruzi b’urumogi ngo babanzaga kurwumisha, bakarupakira hanyuma bakarwohereza kurucuruza mu bihugu birimo Espagne, u Buholandi, u Busuwisi, u Budage n’u Bubiligi.