Umuyobozi Mukuru wa EU, Ursula von der Leyen, yavuze ko ayo mafaranga atazahabwa Leta y’Aba-Taliban, ahubwo azahabwa abaturage bari mu bukene, ndetse asaba uwo mutwe kuzagenzura ko iyo nkunga igera ku bo yagenewe.

Abaturage barenga miliyoni 18 muri Afghanistan bari batunzwe n’inkunga z’amahanga, ku buryo mu gihe zahagarikwa igitaraganya, bishobora kugira ingaruka zikomeye ku mibereho yabo, na cyane ko umusaruro w’ubuhinzi butunze benshi muri iki gihugu, nawo utagenze neza kubera ingaruka z’ihindagurika ry’ikirere.

Ursula von der Leyen yavuze ko EU ikwiye kurebera hamwe uburyo yongera ibijyanye n’umutekano, bitewe n’uko hari ubwoba ko Aba-Taliban bashobora kuzaba indiri n’imitwe y’iterabwoba, ishobora kuzabangamira ubusugire bw’Umugabane w’u Burayi.

U Burayi bwiyemeje gutera inkunga abaturage ba Afghanistan