Ibihugu birimo u Bwongereza byakumiriye indege za Boeing 737 MAX iherutse guhitana ubuzima bw’abantu 157

00:00:00 IGIHE NETWORK

KINYARWANDA

ENGLISH

FRANCAIS

Ibihugu birimo u Bwongereza byakumiriye indege za Boeing 737 MAX iherutse guhitana ubuzima bw’abantu 157

Yanditswe na Mukaneza M.Ange

Kuya 12 March 2019 saa 06:11

Yasuwe :

Yavuzweho:

Nyuma y’impanuka y’indege ya Boeing Max 8 ya Sosiyete ya Ethiopian Airlines yabaye ku Cyumweru igahitana ubuzima bw’abantu bose bari bayirimo uko ari 157 harimo n’Umunyarwanda, u Bwongereza bwafashe umwanzuro wo gukumira mu kirere cyabwo indege zose zo mu bwoko bwa Boeing 737 MAX.

Ikigo gishinzwe indege za gisivili (CAA) gifashe uyu mwanzuro, mu gihe ibihugu birimo Malaysia, u Bushinwa, Australia na Singapore nabyo byamaze gukumira ikoreshwa ry’ubu bwoko bw’indege zimaze gukora impanuka ebyiri zikomeye mu mezi atanu gusa.

Nk’uko BBC yabyanditse, CAA yavuze ko amabwiriza ku ihagarikwa ry’ikoreshwa ry’izi ndege agomba gukurikizwa kugeza igihe hatangiwe andi. Tui Airways na Norwegian nizo zakoreshaga Boeing Max 8 mu ngendo zo mu Bwongereza.

Ibihugu bitandukanye by’aba ibifite ibigo bikoresha izi ndege n’ibyo zitagaragamo byafashe umwanzuro wo gukumira ko zigenda mu kirere cyabyo nk’uburyo bwo kwirinda, mu gihe hagitegerejwe amakuru mpamo ku cyateye impanuka y’iriya ndege ya Ethiopian Airlines.

Boeing 737 Max ni indege zikorwa n’uruganda rwa Boeing, aho ziri mu byiciro bitandukanye birimo Max 7, 8, 9, na 10. Kugeza mu mpera za Mutarama 2019, hari hamaze kugurishwa Max 8 zigera kuri 350 mu mu zisaga ibihumbi bitanu zatumijwe.

Mu gihe ibihugu bitandukanye byakumiriye izi ndege, Sosiyete Air Peace yo muri Nigeria yo yavuze ko nta gahunda yo guhagarika kugura indege 10 za 737-MAX 800 yamaze gutumiza.

Ku wa 29 Ukwakira 2019, indi ndege ya Boeing 737 MAX 8 ya sosiyete Lion Air yaguye mu nyanja ya Java muri Indonesia, ihitana abantu 189 bari bayirimo. Ntibiremezwa ariko niba icyateje iyi mpanuka ari nacyo ntandaro y’iya Ethiopian Airlines.