Uyu akaba muntu wa mbere mu miryango y’i Bwami muri Espagne uzize icyo cyorezo.

Sixto Enrique yatangaje ko Maria Teresa yaguye i Paris mu Bufaransa ku wa Kane tariki 26 Werurwe 2020. Ni Mubyara w’umwami Felipe VI mu miryango ya kure, akaba yari afite imyaka 86 y’amavuko.

Ikiriyo cye cyabereye i Madrid ku wa Gatanu tariki 27 Werurwe 2020. Mu Bufaransa hamaze gupfa abantu 3 024 bazize Coronavirus mu bantu 44550 yagaragayeho ni mu gihe 7,927 bayikize.

Espagne imaze kugira abantu 87956 bagaragayeho Coronavirus, 7716 barapfuye naho 16,780 barakize.

Uretse umuryango w’I Bwami wo muri Espagne, mu Bwongereza naho icyo cyorezo cyarahageze aho cyagaragaye ku Gikomangoma Charles tariki 25 Werurwe 2020. Charles w’imyaka 71 y’amavuko ubu yishyize mu kato.

Maria Teresa de Bourbon-Parma ni Umufaransa ufite ubwenegihugu bwa Espagne yabonye mu 1981 ari nabwo yinjiye mu muryango w’i Bwami muri icyo gihugu.

Yavukiye i Paris mu 1933. Yari umwalimu muri Kaminuza, akaba n’impirimbanyi iharanira uburenganzira bw’abagore. Ntabwo yigeze ashaka umugabo nta n’umwana asize.

Maria Teresa yaguye i Paris mu Bufaransa ku wa Kane tariki 26 Werurwe 2020