Imran yakomerekejwe ku kuguru ubwo imodoka ye yaraswagaho. Umuntu umwe yishwe abandi batanu barakomereka.

Ntacyo inzego z’ubuyobozi zahise zivuga ku mpamvu y’icyo gitero ariko abantu be ba hafi bavuze ko cyari kigambiriye kumwivugana.

Imyigaragambyo yari yahamagajwe hagamijwe gusaba ko habaho amatora mu buryo bwihuse. Imran Khan w’imyaka 70 ni we wari uyiyoboye bikaba byari biteganyijwe ko irangirira mu Murwa Mukuru, Islamabad.

Abo mu ishyaka rye batangaje ko yajyanywe kwa muganga ariko ko ameze neza bikaba byanashimangiwe n’inzego z’ubuzima.

Imran Khan yabaye Minisitiri w'Intebe wa 22 wa Pakistan kuva muri Kanama 2018 kugeza muri Mata 2022.