Inzu zirenga ijana, imodoka n’ibindi bintu byinshi byangiritse ku buryo bukomeye mu Ntara ya Coahuila, bikaba bivugwa ko n’umubare w’abantu baguye muri uwo muyaga ushobora kuzamuka.

Umuyobozi w’Intara ya Coahuila Ruben Moreira yatangaje ko abantu bakuze 10 n’abana batatu aribo bapfuye mu gihe hari umwana wabuze. Abandi bantu 150 bajyanwe ku bitaro kubera kugirwaho ingaruka n’uyu muyaga.

Umuyobozi w’Akarere ka Ciudad Acuna, Evaristo Lenin Perez, yavuze ko benshi mu bapfuye bari abari hanze y’amazu yabo, atari abari mu nzu imbere.

Yongeye ho ko uyu wabaye muyaga ubaye uwa mbere wibasiye Acuna kuva yashingwa mu myaka 100 ishize.

Muri Leta ya Texas, imwe muri 50 zigize Leta Zunze Ubumwe z’Amerika, abantu 12 nibo bitangazwa ko baburiwe irengero nyuma y’umwuzure ukabije wibasiye uwo mujyi.