Iyo miyoboro ica munsi y’amazi yangiritse muri Werurwe uyu mwaka, bigira ingaruka ku bigo bitanga internet cyane cyane muri Aziya no mu Burasirazuba bwo hagati.

Inyeshyamba z’aba-Houthi zirwanya Leta ya Yemen zatunzwe agatoki kuba ari zo zarashe kuri iyo migozi igacika icyakora zo zarabihakanye.

Yemen yatangaje ko ibikorwa byo gusana iyo migozi byahagaritswe n’uko aba-houthi bitambitse iperereza riri gukorwa, ngo habanze hamenyekane abagize uruhare mu ishwanyaguzwa ryayo.

Byinshi mu bikorwa remezo by’ibigo by’ikoranabuhanga binyura ku gice cya Yemen, bigenzurwa n’aba-Houthi. Nk’ikigo TeleYemen ari nacyo cyo muri Yemen gifite imigozi ijyana internet ku rwego mpuzamahanga, gifite imigozi ingana n’ibilometero 25 000.