Ni ibitero ubuyobozi bwa Ukraine buvuga ko byahitanye abantu batatu.

Kuri uyu wa Mbere nibwo u Burusiya bwagabye ibitero bitadukanye bwifashishije indege zitagira abapilote (droes), ndetse buvuga ko aho bwashakaga guhamya hose bwaharashe. Bwibasiye cyane ibikorwaremezo by’itumanaho n’ingufu.

Minisitiri Kuleba yifashishije Twitter, yahamagariye EU gufatira ibihano bikakaye Iran kubera ko ibitero byagabwe mu Mujyi wa Kyiv byifashishijwemo drones zakorewe muri Iran.

Yagize ati "Hakenewe ubwirinzi bukomeye bwo mu kirere, EU turayisaba gushyiriraho ibihano Iran kubera gufasha u Burusiya buyiha za Drones z’intambara, kubera ko drones zo muri Iran zifashishwa n’abarusiya muri Ukraine."

Nyuma y’igitero cyagabwe i Kyiv, abaminisitiri b’ububanyi n’amahanga muri EU bahise batangaza ko mu gihe byagaragara ko igisirikare cya Iran gishyigikiye u Burusiya mu ntambara bwatangije kuri Ukraine, hafatwa ingamba zikomeye.

Abatanze ubuhamya bavuze ko Umujyi wa Kyiv warashweho mu gitondo cyo ku wa Mbere, aho nibura drones 136 za Iran zishobora kuba ari zo zakoreshejwe nk’uko AFP yabitangaje.

Hashingiwe ariko ku makuru yatanzwe n’inzego z’umutekano wo mu kirere muri Ukraine, zatangaje ko nibura drones 28 ari zo zari zoherejwe kurasa uyu mujyi, enye zigera ku cyo zari zigamije, izindi ziraswa zitaragira ibyo zangiza.

U Burusiya bwifashishije drones zakorewe muri Iran mu kurasa kuri Ukraine

Abasirikare ba Ukraine bageragezaga kurasa drones z'u Burusiya

Drones z'u Burusiya zangije byishi muri Kyiv