Iraq: Abakirisitu bashinze umutwe witwaje intwaro uhangana na Leta ya Kiyisilamu

00:00:00 IGIHE NETWORK

KINYARWANDA

ENGLISH

FRANCAIS

Iraq: Abakirisitu bashinze umutwe witwaje intwaro uhangana na Leta ya Kiyisilamu

Yanditswe na

Herve Ugirumukunda

Kuya 4 February 2015 saa 04:52

Yasuwe :

Yavuzweho:

Abakirisitu babarirwa mu magana bahuriye mu misozi yo mu Majyaruguru yUburasirazuba bwa Iraq mu myitozo ya gisirikare biyemeje kubohoza imijyi yabo yigaruriwe na Leta ya Kiyisilamu mu mwaka ushize.
Ikinyamakuru WSJ (Wall Street Journal) kivuga ko abajya muri uwo mutwe wa gisirikare wa gikirisitu kuko batereranywe n’ingabo za Leta ya Iraq none bakaba bashaka gushinga umutwe wa gisirikare uzabarindira imijyi n’insisiro.
Ufasha abakiri bato binjira muri uwo mutwe, Nasser Abdullah, (…)

Abakirisitu babarirwa mu magana bahuriye mu misozi yo mu Majyaruguru yUburasirazuba bwa Iraq mu myitozo ya gisirikare biyemeje kubohoza imijyi yabo yigaruriwe na Leta ya Kiyisilamu mu mwaka ushize.

Ikinyamakuru WSJ (Wall Street Journal) kivuga ko abajya muri uwo mutwe wa gisirikare wa gikirisitu kuko batereranywe n’ingabo za Leta ya Iraq none bakaba bashaka gushinga umutwe wa gisirikare uzabarindira imijyi n’insisiro.

Abasirikare ba Irak

Ufasha abakiri bato binjira muri uwo mutwe, Nasser Abdullah, w’imyaka 26 yagize ati” dushaka kurinda ubutaka bwacu dukoresheje ingabo zacu.”

Umukanishi w’Umukirisitu wiyemeje kurwana, Firas Metr yavuze ko bazatangira birukana abaturanyi babo b’Abayisilamu b’Aba- Sunni bafashije Leta ya Kiyisilamu.

Ati”Abatugambaniye ntibazemererwa kubana natwe dukeneye kwirinda ubu no mu gihe kizaza.”

Ubuyobozi bw’ Abakirisitu muri Iraq buvuga ko abarenga 30 000 bo mu bibaya bya Ninive bavuye mu byabo, naho abakirisitu abasaga 150,000 bakaba baramaze guhunga kuva umutwe wa Leta ya Kiyisilamu watangira intambara.

Kugeza ubu Abagabo b’Abakirisitu barenga 2000 bamaze kwiyandikisha muri uwo mutwe, n’ubwo batari bamenya neza niba bazabona amikoro yo kubatoza bose. Bavuga ko biteze ubufasha bwa Leta Zunze Ubumwe za Amerika.

Abanyepolitiki b’Abakirisitu cyane cyane Abagatolika b’Abakarideya bari bamaze igihe bashaka gushinga umutwe witwaje intwaro wa gikirisitu ugamije kwirwanaho ariko bakabuzwa n’abayobozi ba Iraq.

Mu gihe baterwaga na Al Qaeda abakirisitu b o mu gace ka Ashuru bahawe uburenganzira bwo gushyiraho abarinzi ariko ntibemererwa gushinga umutwe witwaje intwaro.

Abakirisitu ntibemenyeranya ku gushinga umutwe witwaje intwaro, Patriarche Louis Sako uyoboye Kiliziya Gatolika y’Abakarideya avuga ko atabishyigikiye.

Abanyamerika benshi mu bemeye gutoza abo muri uwo mutwe bavuga ko babaye mu gisirikare cya Leta Zunze Ubumwe za Amerika.

Abayisilamu n’Abakirisitu bigeze kurwana mu myaka itangira ikinyagihumbi cya kabiri (intambara yatangiye mu mwaka w’1095) ubwo Abakirisitu bashakaga kubohora ubutaka “Butagatifu” (cyane cyane Umujyi wa Yeruzaremu) bwari bwarigaruriwe na Isilamu.