Natsindira guhagararira iryo shyaka, uyu musaza w’imyaka 67 azahangana mu matora ategerejwe mu 2020 na Donald Trump, umu-républicain usanzwe uyobora Leta Zunze Ubumwe za Amerika.

Ibiro Ntaramakuru by’Abashinwa, Xinhua, byatangaje ko kuri uyu wa Kane aribwo Joe Biden atangaza ku mugaragaro mu buryo bw’amashusho kandidature ye nk’uko n’inshuti ze za hafi zabishyize hanze.

Icyegeranyo cyakorewe muri Kaminuza ya Monmouth muri Leta ya New Jersey cyagaragaje ko Biden ayoboye urutonde rw’abazahagararira aba-démocrate n’amajwi 27% ari imbere y’aya Senateri Bernie Sanders wagize 20%.

Sanders niwe wari uhanganye bikomeye na Hillary Clinton mu matora y’ibanze y’uwagomabaga guhagararira iryo shyaka mu matora ya 2016.

Buden yavukiye muri Leta ya Pennsylvania mu 1942, aba Intumwa Nkuru ya Leta mu 1969, mu 1972 aza gutorerwa kuba umusenateri aca n’agahigo ko kuba yari ageze kuri uwo mwanya ari muto mu mateka y’icyo gihugu. Yabaye Visi Perezida wa Leta Zunze Ubumwe za Amerika wa 47 guhera mu 2009 kugera mu 2017.

Joe Biden agiye kwiyamamariza kuyobora Amerika mu matora ya 2020