Ishami ry’Umuryango w’Abibumbye ryita ku biribwa ku Isi (PAM) ryatangaje ko rigiye gusubukura guhunda yo gutanga imfashanyo y’Ibiribwa yuzuye ku mpunzi zituruka muri Afurika y’Uburasirazuba muri Kenya.

PAM ivuga ko iyi gahunda itangirana na Mutarama, nyuma y’uko izi mppunzi zakomeje kugaragaza ko zikeneye ubufasha ziyambaza imiryango nterankunga.

Izi mpunzi zirimo abahunze amakimbirane yo muri Somalia, muri Sudani y’Epfo no muri Sudani, imfashanyo zisanzwe zihabwa yari yaraganyijwe mu Gushyingo kwa 2014.

Izi mpunzi zibarizwa mu nkambi ebyiri zirimo Dadaab icumbikiye impunzi yo muri Somalia 350,000 na Kakuma icumbikiye Abanyasudani bose n’Abanyasomalia.

PAM ivuga ko yamaze kwakira inkunga ya miliyoni 45 z’amadolari, yatanzwe n’Umuryango w’Ubumwe bw’Iburayi, Danimarke, U Budage, Arabiya Saudite na Leta Zunze Ubumwe za Amerika.

Batangaza ko imfashanyo ihabwa izi mpunzi izaba izagabanyukaho 40% mu Kuboza ikongera gutangwa 100% muri Mutarama ya 2015.

PAM ikaba itanga miliyoni 10 z’amadolari buri kwezi ngo igure toni 9,700 z’ibiribwa bihaza ku mpunzi 500,000 bibarizwa muri Kenya.