Leta ya Kisilamu yashyize ahagaragara video igaragaza iyicwa ry’Abasirikare 18 ndetse n’umunyamerika Kassig Peter baciwe imitwe.
Kuri iki cyumweru Leta ya Kisilamu yashyize hanze amashusho (video) y’iminota 15, yerekana uburyo Leta ya Kisilamu yaciriye icyarimwe imitwe y’abasirikare 18 ba Siriya ndetse n’umunyamerika umwe ubwo bari bapfukamye hasi.
Ikinyamakuru EX Press dukesha iyi nkuru ivuga ko ku mpera z’iyo video umurwanyi wa Leta ya Kisilamu yaragagaye yipfutse mu maso atera umugeri umutwe wa Peter Kassig umuturage w’umunyamerika, nyuma yo kuwuca.
Uwo mugabo yagiraga ati « uyu ni Peter Kassig Edouard umunyamerika » uwo mugabo ukekwaho kuba umwongereza yakomeje avuga ko iyicwa ry’uwo muturage rifitanye isano n’ingabo Leta Zunze Ubumwe za Amerika yohereje muri Irak kurwanya Leta ya Kisilamu .
Peter Kassig Umunyamerika waciwe umutwe afite imyaka 26 yashimuswe mu mwaka wa 2013 mu gihugu cya Siriya. Peter Kassig yahise ahindurwa umuyisilamu mu gihe cy’amezi atandatu ashimuswe.
Iyi ni Video ya gatanu ishyizwe ahagaragara na Leta ya Kisilamu nyuma yo guca umutwe abanyamakuru babiri James Foley na Stephen Sotloff, abakozi b’umuryango w’abibumbye Alan Henning , Haines David n’abandi
TANGA IGITEKEREZO