Loni yasabye Leta Zunze Ubumwe za Amerika gukora uko ishoboye ku byo isabwa n’abigaragambya nyuma y’uko bitangajwe ko abapolisi babiri barashe abirabura mu gihe gitandukanye batazakurikiranwa.

Umunyamabanga w’umuryango w’abibumbye Loni yasabye Amerika gukora igishoboka abapolisi ba leta Zunze Ubumwe za Amerika barashe abirabura bakaburanishwa imyigaragambyo itarafata indi ntera .

Yagize ati” Leta Zunze Ubumwe za Amerika zikore igishoboka cyose mu ku byo abigararagambya basaba, ntizibirengagize.”

Umuvuzi wa Loni Stéphane Dujarric yavuze ko Ban Ki Moon yishyira mu mwanya w’ababyeyi babuze umwana wabo arashwe ndetse no mu mwanya w’abaturage bose ba NewYork babajwe n’urupfu rw’abirabura batuye muri Amerika.

Yongeyeho ko Loni isaba abari mu myigaragambyo hirya no hino kuyikora mu mahoro kugira ngo n’abayobozi bayihe agaciro.

Imyigaragambyo irakomeje mu mijyi yo muri Leta Zunze ubumwe za Amerika nka Cleveland, Ohio, New York, Chicago n’ahandi imyigaragambyo.

Urukiko rwa Missouri rwategetse ko Darren Wilson atazakurikiranwa ku rupfu rwa Michael Brown, umwirabura yarashe agapfa mu ntangiriro za Kanama, urukiko ruvuga ko yamurashe yirengera.

Urukiko rwa New York narwo rwatangaje rutazakurikirana umupolisi w’umuzungu wagize uruhare ku rupfu rw’umwirabura Eric Garner w’imyaka 43 wacuruzaga itabi, wapfuye mu mukwabu wa polisi muri Nyakanga.

[email protected]