Itsinda ryigenga rya Loni ryakoze iperereza ku bwicanyi n’ihohoterwa ryakorewe aba Rohingya, ryasohoye raporo ya paji 20 risaba ko abayobozi bakuru b’ingabo batandatu bakorwaho iperereza.

Bashinjwa kwica, gufata ku ngufu no gufunga aba Rohingya bikozwe n’ingabo za Myanmar, zizwi nka Tatmaw, zajijishije ko zihangana n’ibitero by’iterabwoba by’aba Rohingya.

Aba Rohingya barenga 700 000 bavuye mu byabo abandi barenga 10 000 baricwa, kandi abakoze ibyo byaha ntawabihaniwe.

Itsinda rya Loni risaba ko bakorwaho iperereza, bagashyikiriwa urukiko Mpuzamaganga Mpanabyaha rwa ICC cyangwa hakajyaho urushinzwe kuburanisha ibyaha mpuzamahanga nk’ibi.

Ubuyobozi bwa Myanmar ntibwemera ICC ndetse iki gihugu ntikiyibamo. Uretse Umugaba w’Ingabo za Myanmar, General Min Aung Hlaing, wamenyekanye mu bazakorwaho iperereza, abandi bagizwe ibanga bazashyikirizwa Komisiyo ya Loni ishinzwe uburenganzira bwa muntu.

Reuters yatangaje ko muri iki cyumweru, abayobozi b’umuryango w’ubumwe bw’ibihugu by’u Burayi bazahurira hamwe, bakiga kuri iki kibazo.

Abarenga ibihumbi 700 b'aba Rohingya bamaze kuva mu byabo