Abanyamakuru batatu bakorera Televiziyo Al-Jazeera bari barakatiwe igifungo cy’imyaka 7 bahamijwe ibyaha byo gutangaza amakuru y’ibinyoma bemerewe gusubirishamo urubanza kuri uyu wa 01 Mutarama 2014 n’urukiko rusesa imanza rwa Misiri.

Abanyamakuru bemerewe gusubirishamo urubanza ni Peter Greste, Mohamed Fahmy na Baher Mohamed.

BBC dukesha iyi nkuru yatangaje ko Abacamanza bemeye ko habaye ibibazo bikomeye mu gukatira abo banyamakuru nk’uko bivurwa n’abababuranira.

Abanyamakuru ba Al Jazeera mu gihome

Urubanza rwabo ruzongera kuburanishwa nyuma y’ukwezi bakazajya baburana bafunze.

Abo banyamakuru - Peter Greste, ukomoka muri Australiya, akaba yaranakoreye BBC, Mohammed Fahmy, ufite ubwenegihugu bwo muri Canada na Misiri, na Baher Mohammed, Umunyamisiri, bari bamaganye ibirego baregwaga byo gutangaza amakuru y’ibinyoma.

Bari bahamijwe icyaha cyo gushyigikira umutwe wahagaritswe n’amategeko wa Muslim Brotherhood.

Al-Jazeera yanenze icyo cyemezo cy’urukiko, ivuga ko kirenze urugero kandi ko kibogamye.

Ministiri w’ububanyi n’amahanga wa Australiya, Julie Bishop, yavuze ko yababajwe n’iki cyemezo n’ibi bihano, yongeraho ko afite impungenge z’uko ibi bishobora kuba biri mu mugambi mugari wa Misiri ugamije guhagarika uburenganzira bw’itangazamakuru.

[email protected]