Raporo y’akanama k’Umuryango mpuzamahanga gashinzwe umurimo ku isi (ILO) yashyizwe ahagaragara kuri uyu wa 20 Nutarama 2015, igaragaza ko ubushobomeri buziyongeraho miliyoni 11 muri iyi myaka itanu iri imbere.

Umuryango mpuzamahaga wita ku murimo (ILO) uvuga ko umubare w’abadafite akazi uzava kuri miliyoni 201 bo mu 2014, ukagera kuri 212 mu 2019.

Guy Ryder Umuyobozi wa ILO, yatangarije abanyamakuru i Geneve mu Busuwsi ko ubukungu ku isi hose buri kudindira mu iterambere, aho bukura ku kigero cyo hasi cyane, byumvikana ko ingaruka zizaba ukwiyongera gukabije kw’abashomeri.

Yifashishije umubare w’abatakaje imirimo kubera izahara ry’ubukungu guhera mu w’2008, yagize ati “abazatakaza imirimo kubera iki kibazo bangana na miliyoni 61 ku isi yose.”

Raporo ya ILO ku murimo mpuzamahanga ndetse n’imibereho myiza, ivuga ko hacyenewe guhanga imirimo isaga nibura miliyoni 280 kugira ngo habashe kuzibwa icyuho kizaterwa n’izahara ry’ubukungu.

Ryder yagize ati “ ibi bivuze ko ikibazo cy’imirimo kitazacyemuka vuba kandi ntaho kugihungira.”

Iyi raporo igaragaza ko n’ubwo cyageragejwe gushakirwa umuti mu bihugu nka Leta Zunze Ubumwe za Amerika, u Buyapani ndetse n’u Bwongereza, ikibazo cy’ibura ry’imirimo kikiri ingorabahizi mu bihugu byinshi by’umugabane w’Uburyi.

Urugero rutangwa n’iyi raporo ni nko mu gihugu cy’U Budage gikoresha ifaranga ry’iri Euro, aho ubushomeri bushora kwiyongeraho 5% mu w’2017 mu gihe bwari buhagaze kuri 4,7%.

Abantu bari mu kigero cy’imyaka 15 na 24 ni bo bari bibasiwe n’ubushomeri mu mwaka ushize. Urubyiruko rudafite akazi rwanganaga na 13% rukubye incuro eshatu umubare w’abashomeri bakuze.

Muri raporo kandi imibare igaragaza ko ubukene bukabije butera nibura umuntu umwe mu bakozi icumi ku isi yose gutungwa n’amafaranga ari munsi y’idorari ry’Amarika rimwe n’ibice bitanu($1.5).

Ku bw’iyi raporo, ubwiyongere bw’icyuho kiri hagati y’ibihugu mu ishoramari ndetse no kuba ridahamye, ni kimwe mu byatumye ibihugu bitabasha kwivana imbere y’iki kibazo cy’ubushomeri.

Mu bihugu bikoresha ifaranga ry’iri Euro bashakiye umuti mu kugabanya imishahara, ariko Ryder akomeza avuga ko niba umushahara muke ukomeje gutuma abantu bisondeka, ishoramari ntiritere imbere, nta kabuza iterambere ry’ubukungu riri mu mazi abira.