Ku rutonde rw’abakiri bato rw’umwaka wa 2016, harimo umunya-Norvege Alexandra Andresen ufite 42% by’ umutungo akomora ku muryango we; yagabiwe na se Johan F. Andresen.

Se wa Alexandre yari umukire ukomeye wakijijwe n’uruganda rukora itabi.
Alexandra na mukuru we w’imyaka 20 bafite miliyari imwe na miliyoni zisaga 200 z’amadolari, bakaba baje ku mwanya wa 1,475 ku isi.

Nubwo ari Umuny-Norvege, Alexandra kuri ubu yibera mu Budage aho yiga ibijyanye no gutwara ifarashi.

Urutonde rw’abaherwe kurusha abandi ku Isi rwakozwe n’Ikinyamakuru Forbes Magazine rwasohotse muri Werurwe 2016, ruriho abantu 1810 .

Mu mwaka ushize bari 1,826, bafite tiliyari zisaga 6.48, muri uyu mwaka zagabanutseho miliyari 570.

Urwo rutonde rwagabanutseho abantu 221. Abagera kuri 29 bari baruriho kuva muri 2015 barapfuye.

Ku isonga haracyari Umunyamerika Bill Gates ufite miliyari 75 z’amadolari ya Amerika, ariko umutungo we wagabanutseho miliyari 4.2 ugereranyije n’umwaka ushize, yakomoye mu gukora porogaramu zikoreshwa muri mudasobwa na telefoni.

Gates akomeje kuyobora urwo rutonde mu myaka itatu ishize. Mu myaka 22 ishize yabashije kuza ku mwanya wa mbere inshuro 17.

Ku mwanya wa kabiri hari umunye-Espagne Amancio Ortega w’imyaka 79, ufite miliyari 67.

Uwa gatatu ni Warren Buffett w’imyaka 85 ufite miliyari 60.8 z’amadolari ya Amerika, akaba na se w’umuherwe Warren Buffett washoye akayabo mu buhinzi bwo mu Rwanda.

Muri abo baherwe harimo n’Umunyamerika Mark Zuckerberg w’imyaka 31 wahanze urubuga nkoranyambaga rwa Facebook, ufite ubukungu bwiyongereye ku kigero cya 2.7%, ni ukuvuga ko yiyongereyeho miliyari 11.2 , bituma ava ku mwanya wa 16 ajya ku wa gatandatu na miliyari 44.6%.

Umunyafurika uri hafi ari ku mwanya wa 174, akaba Umunyafurika y’Epfo Nicky Oppenheimer w’imyaka 70 ufite miliyari 6.6

Mu bashya binjiye muri urwo rutonde harimo umugore Zhou Qunfei, ufite miliyari 5.9 yakuye mu bikorwa byo gukora ibirahuri bya telefoni zigezweho(smartphone screens) .

Leta zunze ubumwe za Amerika zifitemo abaherwe 540, U Bushinwa bufite 251, Hong Kong ifite 69, u Budage 120, u Burusiya na 77 mu gihe Brazil ifite 23.

Ubukire bwa Alexandra abukomora kuri se umubyara

Alendra ubusanzwe akunda gutwara amafarashi, ni nabyo yiga mu Budage

Bill Gates yongeye kuza ku mwanya wa mbere mu bakize ku isi