Ibi Pezeshkian yabivugiye mu ijambo yagejeje ku Nteko Rusange ya 81 y’Umuryango w’Abibumbye yabereye i New York, aho yavuze ko Iran ishaka gukemura ibibazo binyuze mu nzira ya dipolomasi ariko idatezuka ku mahame yayo.

Pezeshkian yavuze ko ibikorwa bya gisirikare Iran yakoze byari bigamije kwirinda, anashimangira ko igihugu cye kidashaka gukora intwaro kirimbuzi. Yongeyeho ko Iran ishaka kubana mu mahoro n’ibindi bihugu, ariko ko izakomeza kwirwanaho mu gihe yumva ibangamiwe.

Trump yavuze ko Iran igomba kureka ibikorwa bimwe na bimwe kugira ngo ibiganiro bishoboke. Ku ruhande rwa Iran, abayobozi bavuze ko hakenewe ibiganiro byubakiye ku kubahana, aho kwemerera igihugu kimwe gushyiraho amabwiriza ku kindi.

Iyi ntambara y’amagambo ibaye mu gihe umubano hagati ya Washington na Tehran ukomeje kuba mubi, nyuma y’amezi menshi y’ubushyamirane. Mu nama yabereye i New York, abayobozi b’ibihugu byombi baganiriye ku buryo ikibazo cyakemurwa, ariko nta masezerano mashya yihariye yahise atangazwa.

Ku ruhande rwa Iran, hari bamwe mu bayobozi bakomeye bagaragaje ko batishimiye ibiganiro byo mu rwego rwa dipolomasi byabayeho.

Ubushyamirane hagati y’ibihugu byombi bwagize n’ingaruka ku isoko ry’ibikomoka kuri peteroli ku Isi n’ubukungu bw’Isi burahatikirira.

Perezida Masoud Pezeshkian yavuze ko Iran idateze kumanika amaboko