Abaganga bemeje ko Lula w’imyaka 79, yasuzumwe bagasanga arwaye “labyrinthitis”, indwara ituruka ku kubyimba kw’igice cy’imbere mu gutwi gifasha mu bijyanye no kumva.

Itangazo ryasohowe n’ibitaro bya Sirio-Libanes, rivuga ko Perezida Lula yakorewe isuzuma ryifashisha amashusho ndetse n’ibizamini by’amaraso, ariko ibisubizo bikagaragaza ko nta kibazo gikomeye afite.

Ubu burwayi bwaje busanga ibindi bibazo by’ubuzima Perezida Lula amaze iminsi ahanganye na byo, bukomeje gutera impungenge abakunzi be cyane cyane muri ibi bihe yitegura kwiyamamariza manda ya kabiri mu matora azaba mu mwaka utaha.

Ikibazo cyaheruka kugarukwaho cyane ni ubwo yagwaga mu bwogero bw’aho aba muri Brasília ku wa 19 Ukwakira 2024

Nyuma y’amezi abiri na bwo Lula yajyanywe mu bitaro biherereye mu Mujyi wa São Paulo kugira ngo abagwe kubera kuva amaraso mu mutwe.

Perezida Lula yavuye mu bitaro nyuma yo kugira ikibazo cya muzunga