Ibiro Ntaramakuru bya Qatar (QNA) byatangaje ko uwo mwanzuro wafashwe nyuma yo gukora icukumbura mu nyandiko zijyanye n’ibyaha by’inyerezwa ry’umutungo wa Leta, bagasanga hari uruhare abifitemo.

Nta makuru arambuye yatanzwe ku byaha Minisitiri Ali Shareef al-Emadi ashinjwa.

Uyu mugabo yabaye Minisitiri w’Imari wa Qatar guhera mu 2013. Ni umwe mu bari bagize akanama k’ubutegetsi k’ikigega cy’ishoramari cya Qatar kibarirwa umutungo wa miliyari 300 z’amadolari ya Amerika.

Minisitiri Ali Shareef al-Emadi ashinjwa ibyaha birimo kunyereza umutungo wa Leta