Abantu 26 nibo bamaze kumenyekana nk’abaguye mu mpanuka y’ubwato M/V Mutambala, bwarohamiye i Moba mu ntara ya Katanga hafi y’ikiyaga cya Tanganyika.

Inkuru ya Radio Okapi ivuga ko iyo mpanuka yabaye mu ijoro ryo ku wa kane rishyira ku wa gatanu 12 Ukuboza.

Abantu 221 babashije gutabarwa ariko kugeza ubu inzego z’umutekano n’abashinzwe ingendo zo mu mazi i Moba, bavuga ko umubare w’abarohamye bose utaramenyekana neza.

Icyateye iyo mpanuka ntikiramenyekana ariko bivugwa ko ubu bwato bwari bupakiye cyane ibirenze ubushobozi bwabwo.

Ubu bwato bwarohamye, buje bukurikiye indi mpanuka y’ubwato Maman Ondja, bwarohamye mu kwezi gushize muri Uvira.